巴黎時裝周︱朱晨麗貴氣造型現身羅浮宮 獲邀睇騷被網民誤以為上台行Catwalk
每年巴黎時裝周都會雲集全球各地明星名人，現場星光熠熠，今年TVB當家花旦朱晨麗都遠赴法國湊熱鬧，獲品牌邀請出席當地時間10日於巴黎舉行的2026秋冬系列時裝騷，更喺社交平台上載多張現場靚相，大方分享今次的時裝周之旅。
今次亮相巴黎，朱晨麗以一身經典黑白造型搶盡鏡頭：內搭白色低胸tube dress，外邊披搭一件型格黑色西裝褸，將性感與幹練完美融合，高貴得來不失時尚感；再配上閃爍鑽石頸鏈與耳環作點綴，行頭十足。佢喺羅浮宮前拍下多張打卡美照，一舉手一投足都盡顯貴婦氣場，氣質完全不輸一眾國際超模。
睇完時裝騷之後，朱晨麗亦上載多張現場模特兒行Catwalk的花絮相，大讚今次以「未來伊甸園」為主題的時裝騷美不勝收，更有感而發分享睇騷感受：「呢場唔單止係一場時裝騷，更加係一次對生命起源的探尋。當模特兒身披V型剪羊毛斗篷、手持牧羊杖踏過人造草甸，我哋見證到山巒、森林與原野，如何成為勾勒現代衣櫥的建築語彙——大自然，先係最精妙的設計師。」
帖文一出，隨即引來大批網民留言熱議，唔少網民都大讚朱晨麗今次的打扮時尚得體，貴氣感滿分；仲有唔少網民睇完相之後，誤以為佢今次遠赴巴黎，係要親自上台行Catwalk。TVB
