臥底嬌娃丨鍾柔美演純情A0？ 羅毓儀神補刀：我唔信你冇經驗，唔好扮晒嘢.TVB新劇《臥底嬌娃》正於翡翠台熱播，除了張曦雯、陳瀅、羅毓儀組成的臥底女團備受關注，馬貫東入行20年首擔正男一亦成焦點，就連戲份不算多的鍾柔美（Yumi），都憑一場對手戲意外引爆網民討論。
全25集的《臥底嬌娃》昨晚已播至第13集，早前因「扮A0」風波鬧得滿城風雨的Yumi，今次劇中同樣飾演純情少女，其中一場與羅毓儀的對手戲，被網民直呼「簡直現實照入劇集」。呢場戲講到羅毓儀（Yuki）飾演的童小茹上Yumi屋企拜訪，當時Yumi劇中父母關禮傑、邵美琪正喺廚房斬雞下廚，兩個女仔就一邊食甜品一邊傾心事。期間Yumi被問到跟男同學的發展，佢透露男同學已退學、如人間蒸發一樣，更問對方自己咁樣算唔算失戀。
旁邊的羅毓儀先自嘲：「死喇！我都冇經驗添！」點知Yumi反口話唔信好友冇失戀經驗，羅毓儀即刻當面反擊：「我夠唔信你冇經驗，唔好扮晒嘢！」呢句對白一出，即刻被網民瘋傳，直言簡直講中咗廣大網民早前質疑Yumi「扮A0」的心聲。
事緣鍾柔美早喺去年聖誕期間，就因誤po同緋聞男友劉展霆（Eden）的親密短片惹出風波，當時佢仲解釋只係玩「True or Dare」遊戲。點知事後再有網民公開兩人昔日親密照，當中仲包括後樓梯激咀的畫面，令佢一直標榜「從未拍拖、純情A0」的人設徹底崩壞。
隨住中學時期的情史陸續被翻出，Yumi最終直認自己講大話，更公開向大眾道歉。佢坦言相中嘅人的確係自己，解釋相片刻錄嘅係中學時期的往事，源自一個已經停用註銷的社交媒體帳號，唔清楚係唔係前男友將截圖放上網公開，自己從來冇諗過呢啲相片會流出，直言呢件事係人生的一個經歷，當係上咗寶貴一課。TVB
