藝人朱智賢（朱朱）近日聯同林盛斌、周志康、陳少邦、敖嘉年、蘇韻姿等應邀出席周年晚宴，她還有份上台擔任表演嘉賓，現場氣氛熾熱。
除了唱歌外，朱朱還抽中5千元現金獎，認真鴻運當頭，她在社交網放相及放片分享喜悅：「尋晚開心癲咗，上台表演多，攞獎金真係第一次。人生對上一次中獎應該就係小學嘅時候，今次又唱歌又抽到現金獎（聽到嗰吓都呆咗幾秒），仲有好多朋友同事一齊唱歌表演，好開心的一個晚上。感覺一切慢慢變好了，又再重新出發。」而當朱朱獻唱《花花宇宙》，唱到尾聲時，林盛斌叫她「跳兩吓」，她隨即擺出型仔ending pose，林盛斌大讚：「跳得好好，咁鬼叻原來，好欣賞你。」其他藝人又在台下大叫及畀心，畀足情緒價值。輪到周志康唱歌時，朱朱與蘇韻姿就扮粉絲衝到台下跟對方握手，大家老友鬼鬼，開心到爆，周志康留言：「爭啲畀你哋拉落台。」
