【On.cc】陳法拉嘆出唱片係人生污點：簡直係創傷後遺症！
影帝張家輝與陳法拉今晚（10日）到尖沙咀，出席香港電影編劇家協會春茗晚宴暨頒獎典禮2026。陳法拉憑張家輝執導的《贖夢》首次候選金像獎「最佳女主角」，家輝對法拉投以信心一票：「我梗係最支持，佢表現得咁好。」法拉則歸功於家輝劇本、執導和剪接，但她坦言對得獎沒有信心，覺得能夠入圍已經很開心和驚喜，到時會來香港出席頒獎禮，但指法籍老公因要湊小朋友未能陪伴來港。
家輝則憑主唱電影主題曲《永遠的失眠》入圍金像獎「最佳原創電影歌曲」，但他預告因工作到時未能出席，笑言歌曲若然得獎就由法拉上台獻唱。講到早前到新加坡登台獻唱張學友的《吻別》為何不唱自己的歌？他說：「學友嘅歌咪即係我嘅歌。」
問到是否會演出電影《一九四一》？他說：「暫時OK，支持香港電影、錢嘉樂同埋武師工會，入行嘅時候受惠武師嘅訓練，令到我到依家都仲打吓，係得甄子丹近年追到我少少，所以都要表演吓畀大家睇。（新戲好多動作戲？）唔知呀。（咁幾時重返樂壇？）我又冇咩野心，樂壇我經常都有去，隔一個禮拜我就喺廁所唱歌，但係近排聲帶好似生繭，同埋法拉一齊唱啦。」
曾出過唱片的法拉則耍手擰頭笑謂不願再唱歌：「唔好提喇，呢個係我人生嘅污點，直情係PTSD創傷後遺症，我唔係唱歌嘅人。」家輝則說：「嚟多次就會醫番好。」講到網民提議兩人再合作演喜劇，法拉則追問家輝想做演員還是導演？他則說：「自己冇乜嘢心，我都唔係好敢再做導演，好驚做導演，責任又大、又辛苦、又要兼靠成績表、又多嘢煩，拍人哋啲嘢好過。（收埋導演櫈？）又冇刻意開，所以唔使收，遇到好衝動嘅先諗啦。（開賀歲片？）好呀，賀歲驚慄片啦，但要好有信心先敢。」法拉稱只要是家輝邀請，立即會答應接拍。
張家輝同陳法拉現身。
張家輝撐陳法拉攞影后。
陳法拉嘆出唱片係人生污點。
