【On.cc】冼靖峰首辦個人演唱會 朗讀粉絲信直呼肉麻
歌手冼靖峰（Archie）日前（7日）於廣州舉行首個個人演唱會，從網上路透影片中可見，於綵排環節已有部分粉絲優先入場，Archie在台上表示：「綵排我輕鬆啲啦，你見我戴晒帽戴晒口罩，未化妝啦，鬚都未剃，今日我等咗呢一日好耐啦，我自己都準備得七七八八。」又調皮提示粉絲一會兒開場不要只專注前面。
Archie等咗呢一日好耐。
採排環節已有部分粉絲優先入場。
Archie從台下觀眾席後方出場。
Archie以一曲《自由意志》拉開序幕。
演唱會正式開場時，身穿一襲啡色皮質大衣的Archie，從台下觀眾席後方出場，以一曲《自由意志》拉開序幕，點燃全場氣氛，之後他陸續唱了多首不同風格的歌曲，包括《情歌》、《離家出走》、《如果我是陳奕迅》等，期間亦換上多套型格服裝，造型多變，之後Archie又分別與《聲夢》好友潘靜文及《聲秀》學員布子殷合唱。
此外，演唱會更加插了抽讀粉絲信件的環節，Archie說：「呢個好感動『你係我第一個追嘅星，希望你星途璀璨，愈嚟愈好』多謝你阿Moon。」台下的粉絲即大叫信上還有一句，Archie說：「讀埋佢啊？（讀！）唔好啦好肉麻，好啦我讀埋『你幸福嘅話，我會比你先流淚，加油我嘅巨星』唔好搞喊我啊！」場面既搞笑又感動。
Archie陸續唱了多首不同風格的歌曲。
Archie換上多套型格服裝。
Archie與《聲夢》好友潘靜文合唱。
Archie與《聲秀》學員布子殷合唱。
Archie朗讀粉絲信直呼肉麻。
