《愛·回家》Michelle宣布離巢 剖白5年甜酸苦辣演藝生涯.TVB人才輩出，不少新一代演員表現出色，令人眼前一亮。樣子甜美的史穎喬，曾在《愛·回家之開心速遞》中飾演劇中劇《渣流灘》的女主角之一Michelle令人留下深刻印象，不過她透過社交平台宣布離巢，發長文表示：「正式同大家宣布，我離巢喇。其實上星期已經正式喺TVB畢業啦， 藝人暫時喺我打過最長嘅一份工，過去五年，多謝TVB呢個平台，好多謝同我合作過嘅監製導演PA同事們、各台前幕後，梳化間服裝間cam-man燈光師道具手足etc, 多謝大家嘅指導和包容，特別感激陳維冠Joe監製-係我啱啱入嚟仲係一嚿飯嘅時候，搵我演夏竹姬呢個角色，教我做戲同令我認識到好多好好嘅前輩。之後參與Joe嘅劇集都特別開心，試到好多唔同嘅新嘢。陳耀全Andy監製-好friendly好nice嘅監製，最鍾意就係收工放飯同Andy傾最近睇咗邊套電影，而佢嘅劇集班底都係好歡樂嘅」。史穎喬效力TVB期間曾參與過不少劇集的演出，她統計自己以往曾參演過的劇集，表示：「累計參演過13部電視劇（唔計純客串）播咗：《開心速遞》、《新四十二章》、《寵愛PetPet》、《你好我的大夫》、《再見枕邊人》、《羅密歐與祝英台》、《飛常日誌1》、《痞子無間道》、《奪命提示》、《非常檢控官》。未播：《飛常日誌2》《武林》《死有對証》」。史穎喬對娛樂圈多姿多采的生活，她剖白了心裏的真實感受：「坦白講，做藝人只得開心興奮好正能量係呃你嘅。呢五年時間有甜酸苦辣鹹澀腥沖，而我亦體會到屬於自己嘅第九味 今年即將踏入30歲，離開呢個舞台，屬於我嘅29+1故事先即將翻開新嘅一頁。如果你問我，有冇後悔5年前嘅選擇，參加《衝上雲霄大選》，由素人變藝人我嘅感受喺，人生唔係綫性發展，而是被關鍵事件重塑，而決定我哋人生嘅，從來唔係一個由綫性累積疊加而成嘅過程。而係由很多重大嘅突發事件，引發我哋嘅變化同成長 所以我唔後悔 每個人都有屬於自己嘅道路，都祝願大家快啲搵到，同埋唔好退縮，勇敢啲大步啲向前行」。史穎喬於2020年參加無綫電視舉辦的《衝上雲霄大選》而入行，曾在《愛·回家之開心速遞》中飾演劇中劇《渣流灘》的女主角之一Michelle，以活潑可愛的表現贏得觀眾喜愛，成功入屋。曾任職機艙服務員的她，坦言從空姐轉型演員並非易事，訓練班的嚴格課程和拍攝經驗讓她快速成長。她在《新四十二章》中演技獲肯定。2023年劇集《羅密歐與祝英台》中，她更以「歡樂組」性工作者角色出現，既性感又爆笑，可塑性極高，令人深刻印象。TVB
