【On.cc】戴祖儀公開絕密「天地更」開工實錄 周嘉洛竟然舉中指...無綫小花戴祖儀今年在台慶頒獎禮成功打入「飛躍進步女藝員」10強，演技較以往有明顯進步。她日前在社交平台分享一天工作日常，正在拍攝《飛常日誌II》的她，大清早5時半已經出門口，拍攝一場戲後遇上「大隔場」，要等足7小時後才拍另一個鏡頭，認真陰功。戴祖儀朝早開車，6時15分已抵將軍澳電視城的化妝間，由於太過早，停車場、化妝間都是「人影唔多隻」，她押韻地說：「正所謂早起嘅祖儀有妝化，轉眼已經搞掂喇。」之後再駕車直入機場拍外景，精神抖擻說：「日日頭場身體好。」在機場逗留約一個半小時，9時半已經拍完第一場戲，之後要等足7小時才拍另一場，她便索性駕車出市區的Studio休息，見裏面設備齊全，有一張大床可以舒舒服服睡一覺。4時許又再駕車又返回機場，遇見同劇的洪永城除掉皮鞋坐在運輸帶上蹺住手閉目養神，戴祖儀說：「呢幾年大家都攰喇！」好快拍完一場，接着又要轉頭，六隻手一齊幫手轉髮型，但變化不算太大。之後再拍一場，直至晚上7時完成整日拍攝，遇上鍾意「搞搞震」的周嘉洛，對住鏡頭不停喊「cut cut cut」，然後笑住兩手舉中指，搞到戴祖儀要用白雲emoji遮蓋，怒睥一眼後說：「依家同事真係百厭。」收工後還有精神約朋友「開箱」拆Pokemon M2A的閃卡。戴祖儀寫著：「A day with me❤️✨祖儀日常✈️開箱嚟講，我發現我嘅存在，係旺身邊嘅人😂歐唔到自己🙂」郭柏妍留言表示：「好充實啊」，周嘉洛則說：「好精彩」，被攝入鏡的洪永城反問：「請問重點係咩？」祖儀說：「你嘅美腿。」Joey凌晨5點幾已出門口，揸車返電視城。電視城得佢一個。好在有妝化。到下午先再有嘢拍。仲好好笑容。洪永城除難閉目養神。見到周嘉洛！無啦啦舉中指！玩嘢咩？！
