【On.cc】吳若希經歷悲歡離合 學習告別過好餘生歌手吳若希（Jinny）推出全新單曲《超前告別》，找來Supper Moment包辦作曲、編曲、監製，她表示想將這段時間的感悟記低，特別是面對悲歡離合的時候，希望新歌能帶給大家力量去坦然面對變化：「雖然我只係33歲，但經歷咗唔同嘅人生階段，有啲重要嘅人都離開咗，傷心係一定有，但生活都係要過，與其傷心懷念一個人，倒不如正面去過生活，呢樣先對得住愛護過自己嘅人。」上一首歌《感激跟你能夠遇見》同樣以「告別」作主題，在之前的演唱會中，她每次演唱都會感觸落淚，今次錄新歌可有喊？Jinny卻說：「冇，今次錄音好順利，一個session完成。因為Supper Moment編曲好有力量，順住個勢唱，一眨眼就錄好。」今次MV拍攝跟錄音一樣順利，Jinny一聽完導演的親身經歷就瞬間入戲：「今次MV故事扣緊歌曲主題，圍繞無常變化或者失去。導演同我講佢有一次同朋友去旅遊，一齊游水時，朋友突然遇溺，上一秒好地地，下一秒即刻出事，原來真係會徬徨到唔識反應。」她續說：「雖然嗰個驚慌表情由男主角去演，但為咗做到嗰種強烈對比，我喺演繹甜蜜溫馨畫面時特別投入，令對方喺演繹驚慌失措嘅鏡頭時有切膚之痛，最後導演都好收貨。」吳若希新歌談及告別。面對人生的悲歡離合。希望大家能坦然面對變化。
