【On.cc】巨塔之后︱趙璧渝演技大爆發 與宣萱演師徒情令人動容
台慶劇《巨塔之后》昨晚（22日）播出一集趙璧渝飾演的「卓盈」與師傅「董一妍」宣萱的師徒感情戲令人動容，不少網友表示睇到眼濕濕。趙璧渝（Osanna）受訪時直認對這場戲印象很深刻：「呢場係全劇唯一一場戲可以畀我向宣萱呢個師傅表達一直以嚟嘅尊敬同埋感激，因為我哋都戴住口罩，所以眼神、聲線嘅演繹好重要，好多謝佳導（劇集總監製鍾澍佳）同宣萱姐姐喺現場嘅耐心指導！」
趙璧渝散發陽光味。
談到與宣萱合作，Osanna表示完全感受到宣萱的專業，又指宣萱成日萬歲：「姐姐好Nice好有風範，會同我哋溝通傾偈，喺拍攝嘅3個月入面，完全感受到宣萱嘅專業。每次有姐姐嘅場口我都會忍唔住成日去睇Mon學習姐姐演戲嘅眼神和節奏，姐姐又成日萬歲，每一日嘅拍攝氣氛都好愉快。」
趙璧渝喜歡陽光海灘。
Osanna曾經兩次在《白色強人》飾演急症室醫生，今次第三度挑戰醫生角色，依然很有挑戰性：「今次係第一次參與拍攝做手術嘅場口，事前有睇過一啲醫療劇/紀錄片，睇吓真實嘅醫生做手術嘅過程，盡量學習同模仿步驟、手勢、講說話嘅語氣同埋眼神。」原來她媽媽是精神科護士，對病理學名同藥物名都會有了解，又會聽媽媽分享作為醫護人員面對病患時的心態。Osanna本身是一位瑜伽導師，經常在社交平台分享大晒fit爆身段。
同樣與宣萱角色關係密切的還有「秘書鄒詠山」（尹詩沛飾），經常在宣萱身邊的尹詩沛，被網民取笑眼神曖昧，被指是「全劇最真心CP」，尹詩沛受訪時表示，導演同她傾角色時，希望她的角色特別少少，建議加入一點愛意，「等大家覺得詠山係好愛、又好心痛一妍，佢無論點都會帶住愛意留喺一妍身邊，所以見到網民封咗我哋做CP，我都覺得搞笑又感動嘅，多謝大家咁入戲。」尹詩沛8年前劇集《不懂撒嬌的女人》，飾演過宣萱的「小秘書Elaine」，8年終「升職」成為宣萱近身，可謂捱出頭。
趙璧渝動靜皆宜。
趙璧渝和宣萱甚有默契。
趙璧渝與宣萱擦出火花。
趙璧渝可塑性極高。
趙璧渝演出令人刮目相看。
趙璧渝演活了角色。
趙璧渝演技精湛。
