2024年港姐冠軍倪樂琳於2025年9月完成任期並正式卸任，並已正式加入劇組，參與首部劇集《飛常日誌II》的拍攝。今日（17/10）新劇於機場舉行開鏡儀式，倪樂琳身穿空姐服飾接受《香港01》訪問時表示：「其實當我知要著呢套制服開工前一晚我係好激動，到咗第二日著住套制服喺機場我係好開心。」
對於迎來首部處女劇，倪樂琳表示：「其實都開拍咗成個月，開始都適應到，可能喺機場拍嘅原因，環境又好特別，加上望到監製導演教其他演員點演，我都仲喺度摸索緊。（有冇試過NG?）咁都有，好記得第一日係有，因為平時講嘢好快，變咗到我講對白嘅時候都好快，就試過導演叫我講對白嘅時候要慢啲。」
