【明報即時】鄭子誠好戲靚聲演活「含冤亡魂」親揭養聲秘技 拒唱卡拉OK鄭子誠談到劇中女兒Yuki，讚不絕口，讚她有趣可愛又用心做每件事。（無綫提供圖片）無綫劇集《非常檢控觀》昨晚（27日）一集繼續是「血古董」單元，因父親饒英拔（鄭子誠飾）離奇失蹤多時、加上疑似藏著父親亡魂的「發聲赤盆」突然在家中出現，藝術系研究生女兒饒馨儀（羅毓儀飾）感事有蹊蹺，向包專員（馬德鐘飾）及展熊飛（吳偉豪飾）等人求助。經初步調查，赤盆上證實染有英拔血液，眾人並根據其他線索，找到關鍵人物古董店老闆葉志健（林景程飾）及赤盆賣家龐喆（李成昌飾）。由於赤盆「證供」是破案關鍵，馨儀想盡辦法終令英拔亡魂，透過赤盆指出殺死其真兇是馨儀大學教授何遠程（梁証嘉飾），馨儀聽畢面色大變，原來馨儀在英拔失蹤前，曾與其發生激烈衝突，英拔直斥馨儀不知廉恥。雖然赤盆指名何遠程是兇手，但不少網民認為另有內情，並直接與教授過從甚密兼且表情經常古怪的Yuki才是真兇：「係咪個女殺咗老竇」、「Yuki相當有嫌疑」、「一定係Yuki有問題，頭先有場戲好明顯」。昨晚一集焦點，是「音樂情人」鄭子誠的靚聲演出！為配合劇情，子誠近乎全集只透過聲線表達情感：「我死得好慘呀！我畀人殺死，靈魂附咗喺呢個赤盆上面，你哋官威好重，陽氣太盛，我講嘢好辛苦呀」、「係大學教授何遠程害成我咁㗎。」，短短數句已夾雜恨意、淒涼、痛楚及詭異感；另一段向林景程求助場口：「我喺呢度呀，我喺呢度呀，我畀人害死，你要幫我呀」，子誠亦單憑聲線演活冤屈淒厲感和逼切感，與阿女Yuki對話時，子誠的聲線則會多了一份窩囊，層次分明。作為「血古董」靈魂角色的子誠，受訪時笑言是次獻聲演戲是「正中下懷」：「一直以嚟我都覺得我用聲表達情感，係遠比我用樣嚟得得心應手啲嘅」、「主要都係電台訓練大派用場，初初入行時我做咗好多廣播劇，要單靠聲線表達角色感覺同情緒，呢啲恒久訓練令到我呢方面都有啲信心。」談到養聲心得，子誠笑言是絕不唱卡拉OK：「唔食辣、唔飲酒、唔食煙，最重要我唔唱卡拉ok，因為如果唔識用聲唱歌、只用喉嚨大嗌，對於聲線係長久損害，我唔唱歌，我到𠵱家都未掌握到唱歌嘅竅門，點可以唱完把聲唔沙。」除了「好戲靚聲」，飾演失意藝術家的子誠，落泊造型亦出位，有網民更分不出是真髮還是假髮。子誠受訪時親揭角色造型是假髮，笑言背後笑料百出，皆因撞樣無綫監製陳維冠，令不少台前幕後見到「假髮子誠」時肅然起敬：「有次迎頭撞到阿廉，佢好似唔識我咁，再行近啲，佢打招呼叫我阿Joe（陳維冠英文名）」、「長頭髮正正係我自己好鍾意嘅髮型，我都試過留長，奈何我頭髮偏硬，留完長之後好似地拖，好難梳理」。談到劇中女兒Yuki，子誠讚不絕口：「Yuki係有趣嘅女孩子，佢好可愛，好用心去做每件事。每次見到佢都好開心，今次對佢嚟講係演技大挑戰，因為大部分時間對住死物去演戲。」子誠指Yuki很多時只能靠現場助理編導幫子誠讀對白去交戲，考驗演技。Yuki受訪時感激子誠私底下向她傳授不少貼士，並笑言由於子誠做奸角太出色，故拍攝對手戲時忍不住會有「被害妄想症」：「因為子誠真係做好多奸角、又做得好好，搞到我有少少入咗血，有陣時對戲會唔知點解有種佢係咪要害我嘅懷疑，好搞笑。」（即時娛樂）
