藝人敖嘉年、江嘉敏、陳婉衡及簡淑兒等昨晚（26日）出席HOY TV節目《橫素全中國》首播宴，身兼節目主持兼策劃的敖嘉年茹素超過十年，透露今次走訪了雲南、青海、陜西及香港等多個地方，介紹當地的素食文化和食材。節目更花了7位數、2個多月的拍攝日去拍攝，除了到貢山採摘巨型的野生黑松露外，亦到了雲南石屏了解豆腐製作過程，他説：「最難忘係去青海，因當嗰度高海拔3千8百米所以有高山症，夜晚瞓到4點幾呼吸唔順扎醒。」他期望節目能開第2季和第3季，因內地仍有很多地方未拍。敖嘉年透露現時正忙於籌備劇集寫劇本，完成後會交由HOY TV和馬來西亞電視台拍攝，他笑謂：「因為自己係幕後出身所以身痕，一有機會就會寫劇本，哈哈！自己鍾意恐怖懸疑嘅故事，同歐焯文寫好劇本，交咗畀馬來西亞嗰邊睇。（會搵李佳芯做女主角？）到時諗下都好。（有冇心儀人選？）搞好晒個劇本先，之後先再砌，我本身個人唔停得落嚟，趁仲有小小力氣繼續做。」明顯瘦了不少的江嘉敏，表示因早前食物中毒致屙嘔後瘦了，笑指每次也是跟別人一起吃飯，但卻得自己出事：「已經唔係第一次遇到咁嘅情況，今次係10年入面最嚴重嘅一次，之前可能屙為主，但今次淨係嘔黃膽水已經嘔滿咗兩個垃圾桶，嘔完嗰日瘦咗4公斤，但我依家食返晒，哈哈！（減肥大計完成？）減肥係終身事業，所以會一直做運動同食得清淡啲。」她表示指稍後將會去做詳細身體檢查，但因過程需時要住院幾天，加上事後要休息，故先要夾好空檔才能去做。
