來到1/4決賽，主辦國澳大利亞對陣北韓嘅賽事正如賽前所講- 係呢一輪嘅最強戲碼。北韓意外地分組賽對陣國家隊落敗，導致要提前喺淘汰賽面對袋鼠軍團，注定又係一場惡戰。
儘管北韓佔據著極大優勢，不過澳大利亞有效力倫敦城嘅31歲中場艾蘭娜堅尼地（Alanna Kennedy）攻入個人今屆賽事第五粒入波，以及森可兒（Sam Kerr）下半場早段嘅入波，打亂咗呢支東亞強隊嘅部署。喺蔡恩勇64分鐘追番較近比數後便已無法再增添紀錄，比數維持到終場。
至於今晚嘅另外兩場大戰，國家隊打頭陣面對中華台北嘅死守，結果雙方法定時間90分鐘互交白卷需要加時。而et 開波3分鐘邵子欽就接替隨後被換走嘅王霜助攻打開僵局。而「木蘭」嘅陳英惠喺117分鐘嘅烏龍波更加直接殺死比賽。勝出嘅國家隊會喺四強硬戰澳大利亞，而輸波嘅中華台北就會喺世界盃資格賽附加賽中迎戰勁敵北韓。
壓軸嘅南韓對陣其中一支分組賽最佳第三球隊烏茲別克斯坦，實力相對懸殊，賽果亦都充分體現呢一點。六個入波分別來自六位唔同嘅球員，射門次數方面更加係24-1，南韓以壓倒性姿態殺入四強，對手會係日本/菲律賓嘅勝方。
*ps：崔宥莉（Choe Yu-Ri）真係幾靚女👍
女子亞洲盃1/4決賽賽事賽果-澳大利亞🇦🇺2-1 🇰🇵北韓中國🇨🇳0-0（et：2-0）中華台北南韓🇰🇷6-0🇺🇿烏茲別克斯坦日本🇯🇵🆚🇵🇭菲律賓（稍後時間進行）
AFC Women’s Asian Cup 🇦🇺🦘
