張頴康親揭離巢TVB真正原因 否認因薪酬問題：拍到我完約嗰一日.43歲的張頴康早前宣布離開效力多年的TVB，結束長達19年的賓主關係。外界一度猜測他離巢與薪酬或發展受限有關，不過他近日接受訪問時親自解釋，強調決定並非因收入問題，而是合約期滿後順其自然離開。
張頴康表示，自己其實一直拍劇到合約最後一天，形容是「拍到我完約嗰一日」，並沒有提早停止工作，也沒有與公司鬧不快。他坦言多年來公司給過不少機會，因此離開並非負面決定，而是人生階段的轉變，希望在完成合約後嘗試不同方向。 「因為其實我同TVB關係好好嘅。咁我哋講到最後講嘅酬勞啊，各樣嘢都好好。我想離開係出去試多啲唔同嘅嘢。因為而家個世界開始真係唔同咗，唔係淨係得電影，同埋電視劇咁簡單。」
他在TVB多年由跑龍套做起，逐步升至男二位置，曾在多部劇集留下印象，但亦承認曾希望有機會挑戰男一角色，甚至一度向公司表達過想突破的想法，如果再等不到機會就可能離開。最終在完成合約後選擇不再續約，並趁空檔回歸家庭生活，享受陪伴太太麥雅緻及三名子女的時間。
張頴康直言，19年時間不算短，對TVB仍心存感激，但演員生涯需要向前走，因此決定在合約結束後重新出發，尋找更多可能性。「其實好好彩我一離開咗 TVB之後有其他公司搵我。嚟緊都已經都落實咗會同另外一間公司合作嘅，但而家就暫時未公佈得住。」
留港拜年，小朋友自然收穫豐富。張頴康指小朋友開始對金錢有概念，會主動要求父母幫忙儲起利是錢，而太太亦會撥出約百分之五的金額讓小朋友自由購買心頭好。當被問到小朋友買了甚麼時，張頴康苦笑透露仔女迷上了時下熱炒的卡牌：「嗰啲 Pokemon 卡。」
對於小朋友玩炒賣卡片，張頴康和太太藉此教導子女正確的理財概念：「因為小朋友呢始終未有呢一個價值觀。咁佢覺得呢好容易會得到呢啲嘢。咁我哋而家慢慢係反而學緊點樣去教佢呢一個價值。」他指小朋友對幾十蚊或幾千蚊都「睇成一樣」，對於金錢暫時只是數字概念，所以更需要從中引導。
提到這些卡牌價值不菲，甚至有被炒至高價的情況，張頴康太太即刻大爆原來當晚在場的蔣祖曼都是「炒卡前輩」！她笑指：「有啊，啱啱我同蔣祖曼傾緊呢個問題。」更指對方分享了將卡片炒至幾萬元的資訊。不過話口未完，張頴康即驚覺自己可能講得太多，連忙搞笑求饒：「喂你爆晒人哋啲嘢出嚟啦喎！爆晒出嚟啦，死喇而家！」他笑稱自己只是向「炒卡前輩」請教資訊：「我哋呢啲資訊呢我都係問返佢哋。」場面非常惹笑。
lTVB
