【On.cc】黃凱芹紅館騷淚謝歌迷 遭周慧敏余劍明爆小氣
「情哥王子」黃凱芹（Chris）昨日（6日）起一連兩日假紅館舉行《黃凱芹40年來香港演唱會2026》，演唱會開場由Chris的恩師前著名DJ鄧藹霖以獨白形式揭開序幕，她講到最初以導師身份接觸Chris，覺得對方好Cool：「總係覺得佢唔係好睬人，但係叫佢交功課錄啲Demo，佢又好有深度做足準備功夫，而問到佢有咩才能時，佢話幾鍾意唱歌，我叫佢錄段嚟聽吓，一聽真係驚為天人，後尾我先知原來佢讀中文大學時，已經係中大歌王。」鄧藹霖指Chris的Cool只是欠缺自信的表現，所以向對方贈言：「相信自己係最勁，喺台上係最靚仔，唱歌係最好。」最後鄧藹霖以聲音導航，引領Chris以歌曲《感受》出場。
黃凱芹自彈自唱。
Chris今次的歌單相當有心思，原來他是除陳百強外，圈中能夠集齊顧嘉煇四大高足鍾肇峰、徐日勤、杜自持和周啟生合作的歌手，他分別演繹跟四位音樂人合作的歌曲，當演唱《情深緣淺》時，他跟8位年輕的結他手同台演出，他笑指最大的樂手只得23歲，最小更只得21歲：「我唔單止做得佢哋老竇，真係仲做得佢哋阿爺呀！」
Chris事前預告會邀請電台的同門師妹周慧敏及余劍明，首度公開演繹由他親自作曲及填詞的全新歌曲《數十年後》，合唱後他們話當年，他們齊指黃凱芹好小氣，余劍明投訴黃凱芹只在半夜接載過她一次返屋企，Chris則解釋：「嗰時喺電台收工，我住喺青衣，但余劍明住觀塘都話順路要我車喎！」
有份為《數十年後》獨白的電台恩師鄭丹瑞（旦哥），期間亦有一起暢談，他大爆鄰坐的觀眾上網查Chris的歲數，相當搞笑：「最好笑呢個查完黃凱芹幾多歲，隔離嗰個仲舉起手指公，不過我最想講我哋忘記幾多歲，我哋反而要好多謝黃凱芹，帶我哋今晚去返番我哋最開心、最燦爛嘅一九八幾年，我寧願我哋永遠都停留喺嗰個咁開心咁簡單年代，就好似你哋咁多年，友誼永遠不變，我代表大家講聲good show，多謝！」
Chris在Encore部份跟觀眾大玩卡拉OK，實行萬人大合唱《哪𥚃的天空不下雨》及《雨中的戀人們》等多首經典金曲。講到入行40年，他形容「好似發咗場夢」一樣，而綵排後有00後歌迷送上親筆信，更令他感觸良多：「咁就過咗40年，除咗有最初嘅一班粉絲之外，仲有呢啲00後嘅歌迷，老中青唔同年代嘅人都濟濟一堂，好似發咗場夢咁，觀眾有反應就係好真實感受，會令人毛管戙，作為歌手真係好滿足，或者我仲可以唱多一、兩年，但我好珍惜有呢次機會。」最後他以歌曲《我就是我》，為演唱會劃上完美句號。
黃凱芹歌聲繞樑三日。
黃凱芹勁歌熱舞。
周慧敏現身合唱。
余劍明爆黃凱芹小氣。
黃凱芹多才多藝。
鄭丹瑞全力支持。
