【On.cc】古天樂廖子妤「香港電影評論學會」稱帝封后 劉青雲手上接獎
第三十二屆香港電影評論學會大獎頒獎典禮下午於香港電影資料館舉行。「最佳男演員」《私家偵探》古天樂、「最佳女演員」廖子妤、「最佳導演」《私家偵探》李子俊、周汶儒、「最佳編劇」《UFO離奇命案》郭家禧、李振傑、何肇康、蔡嘉桁。而6部推薦電影包括《UFO離奇命案》、《私家偵探》、《捕風追影》等。
擔任頒獎嘉賓的劉青雲在台上妙語連珠，被司儀問到有甚麼沒說的話跟過去的拍檔說？他笑謂沒有，又認為演員不睇理會旁人指點，包括「青雲」提點，演員應靠自己去聽、去思考。講到與台下的新導演可有合作機會？青雲笑說：「梗係得，我好濫撈，但要諗清楚係咪需要我。」至於合作條件？他則笑說：「多女演我一定去，搵我做『歡哥』，我仆到去。」
廖子妤由青雲手上接過「最佳女演員」獎項，更獲青雲豎起手指公讚好。子妤講到小時候在馬來西亞是「電視兒童」，看好多港產片，因爸爸有朋友是賣翻版碟，爸爸不時拿來一大埋翻版碟回家，當中還包括三級片，小時候甚麼電影也看，喜歡電影的浪漫世界，盼望自己也可以如此浪漫，企在台上獲得劉青雲頒獎覺得相當浪漫，但希望不會如導演所言，得獎後會3年沒有戲拍，因已經準備好迎接不同角色。
古天樂接過青雲頒發的「最佳男演員」獎項後笑說：「呢排好多人都話細細個就睇我做戲，我細細個就睇青雲嘅《新紮師兄》。」講到電影到馬來西亞拍攝因希望有改變，認為面對科技發展、串流平台、短劇、AI，甚麼事也需要改變，因改變才會有進步。
古天樂與廖子妤接受訪問，古仔直言由好友青雲手上接過獎項，加上是首次獲得該獎，感到相當開心：「第一日公布知道得獎，都有啲呆呆地，好唔想信。」講到與青雲合作的電影《絕世好bra》班底可有機會再合作，他認為電影是夢想世界，總會有機會，要看劇本，笑言可開拍《絕世好嘢》。問到得獎後對奪得金像獎「影帝」的信心？他笑說：「下個目標係拍好啲戲，入圍已經係肯定，盡力去做。金像獎以往畀我嘅感覺，如果一個獎有兩個提名係會分薄咗票源，但我又好開心，更加想林峯憑《尋秦記》入圍。」
廖子妤被問到下個目標是否金像獎「影后」？她說：「呢個係第一個，希望有第二個獎，但係攞獎唔到我控制，希望接住有戲拍就最好。」講到會否擔心台上所言，得獎後3年沒有戲拍？她說：「我比較擔心真係冇戲拍，依家環境不景氣。」她的公司老闆古仔則笑說：「一陣上車前開部畀你，好奇怪每次你攞獎我都喺台下，頭先幾驚你激動到喊。」子妤笑說：「頭先我差啲喊，覺得大過女要忍住唔好再喊。」她又指很開心見到青雲與古老闆的《絕世好bra》組合並笑說「我未戴bra嘅時候已經睇《絕世好bra》，同埋我係睇《絕世好bra》學戴bra，因為戲入面有咁嘅橋段教戴bra嘅步驟，媽咪冇教，所以電視教咩就學咩。」古仔笑說：「希望冇影響你發育。」古仔又直認正接洽電影《一九四一》拍攝，但還是初部階段，還未看劇本。
青雲同古仔惺惺相惜。
古仔同Fish稱帝封后。
從青雲手上接過獎項。
Fish實致名歸。
晒埋美腿！
青雲妙語連珠。
加油！
古仔都好開心！
香港電影靠你哋！
