【On.cc】楊明透露今年結婚 莊思明：你哋都聽咗好多次
藝人劉丹、滕麗名、呂慧儀、湯盈盈、楊明、莊思明、古佩玲、邵初、陳浚霆、歐瑞偉等在將軍澳電視城出席處境劇《愛·回家之開心速遞》「歡樂慶元宵」活動，齊齊玩猜燈謎遊戲，相當熱鬧。而拍拖多年楊明與莊思明在元宵佳節下，則不停被眾人催結婚，望他們今年開花結果。
楊明和莊思明被催婚。
楊明與莊思明接受訪問講到不停被大家催婚，他笑說：「今年都畀人問咗好多次，我都諗住盡快㗎喇，但又唔使咁急，希望今年啦，馬年好年吖嘛。」莊思明則笑說：「佢年年都話今年，你哋都聽咗好多次？」講到結婚進度楊明笑言現在十劃已經有一點，要逐步逐步來，自嘲年紀大，也差不多。問到是否已經求婚？他則O晒嘴指要逐步逐步來，好好計劃安排驚喜婚禮。問到莊思明可有被家人催結婚？她說：「屋企人就冇，佢哋都適應咗，都係朋友催。」楊明又指長輩反而開通簡單，着他們旅行結婚，但他則希舉行較為盛大的婚禮：「又唔係要大搞，但係香港、馬來西亞都要安排。」講到元宵佳節可有慶祝，他們指因新年加上兩人的生日也相當接近，近期頻頻出外拜年和慶生，感覺有點攰，會留在家吃湯圓好好休息。
滕麗名、呂慧儀、湯盈盈講到元宵佳節，盈盈指今早已吃過呂慧儀帶回來的湯圓，笑言回家要好好招呼老公錢嘉樂。滕麗名出席活動後則馬不停蹄要趕到廣州進行直播帶貨，今次最大挑戰是要自己一個人帶貨講足4個鐘，問到是否不吃不喝避免去廁所？她則笑說：「我哋TVB訓練出嚟，着古裝唔使去廁所。」問到是否演出電影《尋秦記》效應令工作增加？她指一向有帶貨，電影出街後則多了美容相關的工作邀請，因大家也覺得她20年來樣貌也好像沒有變。
呂慧儀被問到元宵佳節可會約了傳緋聞張景淳食飯慶祝？她說：「冇喎，收工就返去同蟹籽撐枱腳。」她又指新年專程帶兒子回家鄉福建探望長輩，更可以放煙花，玩得相當開心。盈盈則講到被指與將來港開演唱會的林曉培撞樣？她則笑說：「好耐之前都話似樣，估唔到佢都保持得咁後生，但係佢身形就正過我啦，哈哈。」
楊明和莊思明被催婚。
莊思明狀態大好。
滕麗名人氣高企。
林淑敏笑逐顏開。
何晉樂派心。
陳浚霆直豎拇指
劉洋笑口常開。
湯盈盈甚有賀年氣氛。
張景淳和呂慧儀十分合襯。
