【明報即時】馮皓揚奪新人獎 前校長再翻舊帳贈興 TVB交律師跟進 童星出身的馮皓揚於《萬千星輝頒獎典禮2025》奪「最佳男新人」，年僅21歲便獲肯定，成績矚目，然而得獎翌日即被昔日校長翻舊帳，令喜訊伴隨爭議。（Momo校長有嘢講fb片段截圖、資料圖片 / 明報製圖）童星出身、現年21歲馮皓揚（Mason）周日（4日）晚於無綫《萬千星輝頒獎典禮2025》奪「最佳男新人」，他近日再被曾讀過的小童星訓練學院創辦人Momo校長翻舊帳。Momo校長去年曾指馮皓揚忘恩負義、過橋抽板，紅了不認得人。對此，馮皓揚曾作回應，強調問心無愧，並直言：「其實同我合作過嘅人，都會知道我係一個咩嘅人，唔會因為某一啲人講嘅說話而影響到佢哋對我嘅認知。」馮皓揚這次再獲獎，Momo校長翌日再於社交平台發文︰「恭喜馮皓揚奪『最佳新人獎』。分享兩件他17歲時的『往事』︰一個月內，兩次在同一餐廳食飯唔畀錢，要我親自去『熟』（贖）佢幫佢找數。我問佢：『你知唔知醜？』佢答：『我未成年。』如今佢公開說『問心無愧』。我信。因佢世界觀從未變：細個走數，大個走佬。 由一餐飯，走到一份良心債。這就是TVB的『最佳新人』。」Momo校長在影片中先恭喜馮皓揚得獎，隨即說︰「原來大話連篇同永恆扮新人，先係依家最被鼓勵嘅美德。一個有10年演出經驗，攞過金像獎嘅人竟然仲攞新人獎。」她又指馮皓揚是「問心無愧」的專家，指馮皓揚未成年時已是「食飯唔畀錢嘅專才」隨後，Momo校長指馮皓揚曾兩次食飯後無錢找數要她幫忙付款，她說7歲小朋友不會做出如此行為，以嚴肅語氣說不會幫他第3次時，馮皓揚竟以「唏，我都未成年」來回應。Momo校長說︰「今日佢對住全港媒體講問心無愧，我絕對相信嘅，因為喺佢嘅世界觀一直如此，佢梗係問心無愧啦，走甩嘅就不計其數，走唔甩嘅就搵人抹屎。今日佢問心無愧，就否定人哋一切嘅恩情，迴避所有證據，因為佢相信只要佢夠紅，有公司維護，有獎項光環，最終輿論都會幫佢找數，將所有醜陋一筆勾銷，呢個就係我哋香港未來偶像。」馮皓揚母親接受傳媒訪問時表示︰「Mason是公司的旗下藝人，這些都交給經理人那邊處理，謝謝你。」 無綫經理人吳小姐則表示︰「已交由律師處理。我聽番佢媽咪講，小朋友13、14歲時，有時唔記得帶銀包出街好正常，最後有搵媽咪，搵人幫佢處理俾番錢，唔係冇畀錢走咗去，事後亦有畀番錢人。如果小朋友要呃食，都唔會再去番同一間食啦。我哋答，又可能畀人沒完沒了，所以交畀律師處理。」（即時娛樂）
