【On.cc】戴祖儀為台慶頒獎禮拉票 陳若思親解與Jeremy做姊妹之謎藝人戴祖儀、陳若思、曾展望及葉蒨文等今日現身將軍澳電視城，錄製電競節目《2025 PUBG MOBILE 全球總決賽》。於《萬千星輝頒獎禮》中有份角逐四個獎項的戴祖儀（Joey）分別準備了小禮物、banner及飲品來拉票，問到她花費多少，她就笑言講心不講金，又指之前忙於拍劇未能出席記招，因此現在要在有限的時間內拉票，Joey表示其中「飛躍進步女藝人」已是第6年提名，認為有提名已經很感恩，不過當然每年都很想得獎，今年對自己的作品感到很滿意， 亦很感激觀眾的喜愛。問到她在台慶的戰服？Joey就表示：「依家都同造型師夾緊，始終個套衫真係一日限定，咁多年都盡顯一下事業心，但係事業心如果成日展現，又好似有啲太多，要顧及下觀眾感受，驚睇多咗會有啲厭倦，所以就諗下個日點去著。」陳若思和戴祖儀甚有默契。提及她近日拍攝《飛常日誌2》經常開通宵班，Joey就解釋劇組需要在機場停機坪禁區等拍攝，加上不想影響到旅客，所以主要在比較夜的時間拍攝，她續指昨日由14拍到31，一同拍攝了17個鐘，一回到家沖完涼就睡覺，問到她會否怕影響身材，她就笑言：「唔緊要啦，身材縮水咪又保守返啲，衣着呢家嘢好flexible（怕唔怕捱殘個樣影響搵另一半？報咗《女神配對計劃2》未？）最近每次見到《女神》個監製，佢第一時間都好關心我嘅戀愛狀況，咁我都同佢講暫時未有嘅，但你開嘅時候就未知（啫係開拍都未有就參加？）係啊，睇個陣狀況，或者睇工作安排。」提到今天拍攝最後一集，Joey指勾起以前與網友打機的回憶，又指雖有點不捨節目完結，但下年仍會再有賽事，希望下年可以繼續擔任主持。戴祖儀第６年提名「飛躍進步女藝人」。同場還有陳若思，提及她早前與男團MIRROR成員Jeremy為好友擔任姊妹團，她解釋與Jeremy是相識多年的中學同學，一群好友由中四開始同班而結緣，又指Jeremy因為曾經應承新娘子會做姊妹，重視承諾的他因此成為其中一位姊妹，問及從未得知兩人是中學同學？她就表示：「因為佢啲女粉好多，都有啲少擔心，其實以前有甫過中學啲相，佢樣無變我就由肥妹變靚咗（識咁耐知佢啲黑歷史？）我嘅黑歷史反而仲多，因為我份人性格比較暴躁，佢就溫和嘅，成日都會照顧我哋（入行有無交流過？）因為我哋公司唔同，所以好少交流，亦都好少傾工作上嘅嘢。」陳若思親解做姊妹之謎。陳若思又大爆Jeremy相當宅和喜歡打機，透露近日Jeremy與一眾姊妹到外地去Honeymoon，期間Jeremy每日都打機，可惜自己因工作未能一同前往，問到如果她結婚Jeremy會否再做姊妹，她就指：「我唔想咁快結婚，點知接到花球（咁Jeremy結婚你哋要做兄弟？）會做，但佢結婚未必會搵我哋，佢有咁多個兄弟。」曾展望與女友葉蒨文十分合拍。
