陳楨怡套套劇有份唔覺上位 郭珮文有工開就開心.藝人陳楨怡與郭珮文（Juliana）今日（13日）現身鍾澍佳擔任總監製的無綫新劇《枱底》開鏡拜神儀式，陳楨怡透露角色在演繹上有挑戰性，講到有機會到馬來西亞取景，她大感期待：「我未去過當地，好想食肉骨茶，而且冇試過同其他地方演員合作過，加上套劇好保密，所以好期待。（套套劇你都有份，依家上位？）我唔覺得，希望畀觀眾見到我嘅進步。（你成為鍾澍佳御用。）大家喺度嘅演員都係。」至於Juliana開心有份參與，又謂從未到過馬來西亞工作，講到她之前在社交網呻無工開，現在終如願開工，她笑言：「今個月好多工作，應該只係咁啱，有工作充實啲，好開心。（劇中係咪性感擔當？）今日大家都着得好靚，唔知劇中需唔需要性感。」提到她與丁子朗早前在短劇中合作，劇中胸壓對方，她否認：「劇情講我哋4個女仔追佢，我冇胸壓佢，我哋冇太多身體接觸。」TVB
猜你喜欢
【4评论】【6点赞】
【6评论】【4点赞】
【3评论】【250点赞】
【7评论】【2点赞】
作者最新文章
热门分类
娱乐TOP
娱乐最新文章