【On.cc】莊子璇被插戲屎壓力爆煲　搞到瞓着都以為開緊工前港姐冠軍莊子璇（Hi

【On.cc】莊子璇被插戲屎壓力爆煲　搞到瞓着都以為開緊工

前港姐冠軍莊子璇（Hilary）首度拍劇便獲得不少發揮機會，自《金式森林》播出後演技一直備受關注，有人批評她造作、未夠自然；亦有人覺得以第一次拍劇來說尚算可以。日前Hilary接受訪問時，透露首度拍劇獲益良多，並坦言自己有留意亦坦然面對及認同網友的意見：「佢哋覺得我演技唔自然，或者講嘢比較造作，其實我喺拍嘅時候都有留意呢個問題，但有時候對住鏡頭就好想提高把聲驚人聽唔到，我覺得佢哋嘅意見都好啱。」

Hilary續指自己本身並非易喊的人，但在劇中要應付大量爆喊場面，並謂很記得自己其中一場海邊爆喊戲、無論如何都哭不出來：「嗰日我已經特登早啲去令自己進入個情緒，但我醞釀咗成個鐘都係喊唔出、一滴都流唔出。」曾質疑自己會拖累整個劇組等等因素壓力爆煲的Hilary，一度弄至睡覺也以為自己在拍劇：「有段時間瞓瞓吓覺彈起身會以為有Cam Take緊我，完全唔知自己做咩，嗰陣時係比較大壓力。」

最終Hilary靠郭晉安等前輩的鼓勵及指導，逐漸開竅：「我同佢哋講好驚做得唔好，但佢哋好好，話第一次拍戲應學吓點樣享受、慢慢放低啲就會令自己冇咁緊張。」Hilary續指安仔在拍攝現場會一再指導他們如何入戲，她透露拍攝其中一場情緒戲時，安仔一再提醒大家要認真想像若果真實遇到這件事時的心情會是怎樣；結果因安仔的循循善誘，Hilary在拍攝前已成功沉浸角色之中：「我喺roll機前已經喊緊，原本導演想安仔拍先，但安仔好好，佢提出我拍先，因為佢見到我個感情已經Ready，唔想要我嚟多一次，因為如果嚟多一次又會冇咁真實。」

Hilary逐漸開竅識做戲。

全靠郭晉安。

曾壓力爆煲。