視后龔嘉欣（Katy）今年積極參與慈善活動，善用自己的影響力幫助別人，早前她參與慈善組織的良師計劃，成為學校的「校友」，近日她更身體力行，參加Day Camp與學生們打成一片，Katy亦有感而發：「呢日我哋完全感受到校園生活，着起呢件制服，我哋都話好似以前讀書時候嘅PE衫，真係回憶返晒嚟，同成班咁年輕嘅同學仔一齊，玩遊戲做任務，真係好青春呀，一日Day Camp活動，希望同學仔都玩得開心，喺忙碌嘅學業可以輕鬆一下！」網民除了大讚Katy人美心善外，更令人關注的是一向童顏的Katy穿上制服後，充滿青春氣息，完全零違和感地融入中學生，紛紛幽默稱呼她為「龔同學」。
