【明報即時】鍾嘉欣自爆當媽後說話大聲：隔3間屋都聽到我講嘢
鍾嘉欣笑言成為媽媽後，有時候跟子女說話時很大聲，連鄰居也聽到。（鍾嘉欣Ig圖片、大會提供 / 明報製圖）
鍾嘉欣日前接受新城廣播節目《可「連」天下父母心》訪問，分享了作為3孩媽媽的日常作息。嘉欣透露與丈夫Jeremy堅持早睡早起，讓孩子們在上學前完成部分功課。她說︰「我鍾意佢哋朝早做功課，因為腦袋仲清晰，放學後先做功課就會好攰。」嘉欣每天亦會步行送孩子上學，放學後則安排玩樂時間，並負責接送孩子參加舞蹈和冰球等課外活動。她表示︰「返到屋企就立即煮飯，食完嘢又要做一啲功課，然後沖涼同佢哋玩一陣，睇少少中文電視，8點半就上牀瞓覺。」嘉欣盛讚丈夫是「神隊友」，稱對方作為一名醫生，雖然工作繁忙，但回家後會積極分擔家務。她說︰「我做到嘅嘢佢都做到，我哋兩個都好全面。」
兩夫妻堅持培養子女的獨立性，要求孩子們自己完成穿鞋、收拾書包、清潔午餐盒和洗澡等。嘉欣表示︰「出街時我唔會幫佢哋著鞋、佢哋嘅書包自己清潔，午餐盒要自己攞出嚟。」嘉欣又笑言：「我本身係個好溫柔嘅人，但做咗阿媽之後，把聲好大聲，隔3間屋都聽到我講嘢。」有時子女太頑皮，嘉欣更會跟他們說：「知唔知道你哋咁樣，媽咪真係會爆血管！」
談及3個孩子的性格，嘉欣形容大女Kelly很聽話，很有主見及充滿大家姐風範；兒子Jared則是她的「情人」，但又很固執，經常說出甜蜜的話語；兩歲孻女Anika則最野性，「佢好E人（外向型），每個人都係佢嘅朋友，一見到面就好熱情打招呼，好多人都識佢，因為佢好有社交能力。」面對孩子們爭吵，嘉欣分享了自己的處理方式：「嗌交、打交成日都有，我都要不斷學習，最初就好溫文同佢講道理，教教吓唔得就發火，有好多方法可以處理，我都學習當中，我都有哥哥同家姐，所以好明白佢哋點解會打交，總之唔好流血就得。」
談到將來子女踏入青春期，嘉欣直言很傷感︰「如果有一日我唔可以再聞佢嗰啲酸臭味嘅臭腳，會冇晒人生樂趣，暫時接受唔到。我個女依家每一日都有變化，表情同回答每日都有啲唔同，愈嚟愈接近冷淡，但以前唔會有，所以有啲傷心，依家鍾意同朋友玩就唔記得爸爸媽媽，9歲又快咗少少。」嘉欣又回憶自己青春期時十分害怕女生會來月經︰「第一次嚟好驚，我唔敢話畀阿媽知，以為有病，仲靜靜雞去拜神，『我唔可以死，仲要陪阿媽』，之後阿媽見到垃圾筒，就解釋畀我聽，先知原來唔係有病；作為阿媽知道阿女將來會嚟都好驚，想像唔到。」
（即時娛樂）
